बदल : Change...व रंगोत्सव..स्वाती वाघ

बदल : Change...व रंगोत्सव..

" बदल हा नेहमी स्वतः पासून सुरू होतो ...तू खुद्द को बदल तू खुद्द को बदल तभी तो जमाना बदलेगा "मंजुल सराचे हे वाक्य व त्यामागे असणारा अर्थ हा काल रंगोत्सव खेळताना मला आला..
होळी हा रंगांचा सण , आपुलकीचा , मतभेद , वादविवाद विसरून सर्वांना एकत्रित बांधून ठेवणारा हा उत्सव...
भारताची विविधता या रंगामधून दिसते...
कालचा दिवस हा खास या करता , कारण यावेळी होणारा बदल हा " माईंड सेट " ला तोडणारा ...व त्यातून स्वतः सोबत इतरांना नवी जर्नी देणारा आहे...
"फ्रीडम म्हणजे नेमकं काय असेल"? , याचा सुंदर अनुभव करून देणारा उत्सव म्हणजे हा रंगोत्सव...
मुलींनी घरात , आपल्या दारासमोर रंगोत्सव खेळायचा... मुलांनी मात्र सर्वत्र हाहाकार करायचा...नशेचा.., मग मुलींनी दुपारनंतर घराबाहेर पाऊल ठेवायचं... किती भीती ती...असुरक्षितता... त्या सर्वांना ब्रेक करून ...फक्त एकच ध्येय आपल्या जवळच्या लोकांसोबत खरी खुरी मायेची होळी खेळाची...मग काय संपूर्ण रस्ता सोबत होता...

"समानता म्हणजे नेमक काय? याचं सम्यक दर्शन घडवणारा दिवस म्हणजे हा रंगोत्सव,
मुलांसोबत ...मुलीसुद्धा तेही अगदी ताठ मानेने..त्याही रंगबेरंगी होऊन वाटचाल करत होत्या.
जीवनसाथी ज्यावेळी एकत्र येऊन एकमेकांना सम्मान देतात.. तेव्हा समाज सुद्धा सम्मान करतो ...याचे दर्शन रंगोत्सवाने दिले..एक मुलगी व एक मुलगा ज्यावेळी एकत्र येऊन वावरतात ...त्यावेळी नशा करणाऱ्या मंडळींना सुद्धा गांगरून सोडतात ...याच लाईव्ह उदाहरण म्हणजे हा रंगोत्सव...
स्वतः च्या माईंड सेट ला ब्रेक करून ,लिबरेटेड जर्नी करणारा उत्सव म्हणजे रंगोत्सव...

स्वाती वाघ.
अनुभव: 2 मार्च 2018